“Очир фильм”-“Гэрэлтэй цонх” студийн шинэ бүтээл болох “Орилоон-2” айлгах аймшгийн кино өнгөрөгч баасан гаригаас эхлэн үзэгчдийн хүртээл болж эхэллээ.
Тус киноны дууг Дуучин Rokit Bay орилжээ. Rokit Bay хэмээх нэр нь гурван өөр утгатай үгийг нэг үгэнд багтаасан байдаг юм байна. Хамгийн гол утга нь Rock it Bay буюу доргиогоод өг Bay гэсэн утгатай юм байна. Түүнийг Америкт байхад Bay гэж дууддаг байсан аж. Энэ нь Баяраа гэх нэрнийх нь эхний үе. Мөн нэг утга нь Rocket Bay буюу Пуужин Баяраа. Ингэхэд пуужин Баяраа пуужин хөөрөх шиг аймшигтай кинонд хэрхэн орилж доргиогоод өгсөн юм бол? Кино театрт үзвэл “зүгээр л пуужиндаад өгнө” хэмээн тэр хэлсэн байна.
Ийнхүү кино театруудаар юун инээдэм, уянгын халил, уйлаан майлаан цаашаа. Нэг хэсэгтээ л “Орилоон” байх бололтой. Дашрамд дурдахад Пуужин гэсний учир нь эрсдэлтэй боловч амжилттай хөөрвөл хэний ч хүрээгүй газар очно гэсэн утгыг илэрхийлнэ. Харин сүүлийн утга нь Raw kit Bay буюу original дуугаралттай гэсэн үг юм.
