Никитон хамтлагийн 25 жилийн ойн баяр энэ сарын 29 нд Төв цэнгэлдэх хүрээлэнд болох гэж байна. Сонсогчдын зүрх сэтгэлд хоногшсон олон дууны эзэн болсон тус хамтлагийн оролцсон реалити шоу “Боловсрол суваг” телевизээр гарч байгаа билээ.
1993 онд байгуулагдсан Монголын арт рок хамтлаг болох Никитон хамтлагийн бүрэлдэхүүн зургаан удаа солигдсон бөгөөд гэсэн ч тэдний өнгө төрх өнөөдөр ч хэвээрээ фэнүүдээ доргиож, догдлуулсаар… Никитоны Бачка есдүгээр ангид байхдаа “Хос хунгийн дууль” дуугаа зохиосон бөгөөд “Янаг цэцэг”-ийг 7-р ангид байхдаа аялаж явсан гэдэг. Монголын рок попын түүхийн хуудаснаа их зүйлийг бүтээж яваа хамтлагийнханд зориулсан фэнүүдийнхэн нь зурвас цахим хуудаст нь тасралтгүй ирж байгаа гэнэ шүү. 1
