Өөр
  • Эхлэл
  • улс төр
  • нийгэм
  • Хот
  • Шинэ мэдээ
  • Фото
Өөр
  • Эхлэл
  • улс төр
  • нийгэм
  • Хот
  • Шинэ мэдээ
  • Фото
  • АНУ-ын доллар
    3572.59₮
  • Евро
    4037.38₮
  • Японы иен
    24.76₮
  • Швейцарийн франк
    4320.98₮
  • Шведийн крон
    369.68₮
  • Английн фунт
    4749.76₮
  • Болгарын лев
    2064.31₮
  • Унгарын форинт
    9.98₮
  • Египетийн фунт
    70.47₮
  • Энэтхэгийн рупи
    42.02₮
  • Хонконгийн доллар
    459.79₮
  • ОХУ-ын рубль
    43.67₮
  • Казахстаны тэнгэ
    6.92₮
  • БНХАУ-ын юань
    493.71₮
  • БНСУ-ын вон
    2.56₮
  • БНАСАУ-ын вон
    27.48₮
  • Канадын доллар
    2577.53₮
  • Австралийн доллар
    2295.21₮
  • Чехийн крон
    162.12₮
  • Тайванийн доллар
    118.12₮
  • Тайландын бат
    108.87₮
  • Индонезийн рупи
    0.22₮
  • Малайзын ринггит
    836.18₮
  • Сингапурын доллар
    2758.54₮
  • АНЭУ-ын дирхам
    972.66₮
  • Кувейтийн динар
    11651.14₮
  • Шинэ Зеландын доллар
    2118.72₮
  • Данийн крон
    541.17₮
  • Польшийн злот
    945.47₮
  • Украины гривн
    86₮
  • Норвегийн крон
    344.61₮
  • Непалын рупи
    26.26₮
  • Өмнөд Африкийн ранд
    195.66₮
  • Туркийн лира
    92.43₮
  • Вьетнамын донг
    0.14₮
  • Алт /унцаар/
    11945347.65₮
  • Мөнгө /унцаар/
    115761.56₮
  • Зээлжих тусгай эрх
    4848.29₮
нийгэм,

Саалийн үнээнүүдийг “хашсан” Ц.Пүрэвтүвшинг шалгачих цөстэй аавын хүү Монголд алга уу?

нийтлэсэн Site Default2 сар 22, 2019
0
Хуваалцах
Фэйсбүүктэй хуваалцахТвитерт хуваалцах
37b91f9a5b70520923468a148223691d

Монголын саалийн ганц үнээ “Эрдэнэт үйлдвэр”-ийг тойрсон холион бантан хэмжээнээсээ хэтэрлээ. Хэдэн жилийн өмнөөс “Монголын зэс корпораци” буюу түүний цаад эзэн “сахал” хэмээх Д.Эрдэнэбидэг  “Эрдэнэт үйлдвэр”-ийн 49 хувийг ОХУ-аас авчрахдаа баахан луйвар хийчихсэн байна гэж шуугиж байна.

Бас Ерөнхий сайд С.Баяр, ТӨХ-ны дарга Д.Сугар, “Эрдэнэт үйлдвэр”-ийн захирал Ч.Ганзориг нарын үеэд “Жаст”-ын Ш.Батхүү тус үйлдвэрийн 51 хувийг ӨАБНУ-ын Стандарт банзны барьцаанд тавьчихсан нь өнөөдөр гарц шийдэлгүй гацчихаад цаг, хормоор өр нэмэгдж байна.

Өөрөөр хэлбэл, талыг нь “сахал” Д.Эрдэнэбилэг, түүнийг тойрсон нөхдүүд, нөгөө талыг нь “Жаст” Ш.Батхүү, түүнийг дэмжсэн төрийн “зүтгэлтнүүд” эд бадыг нь хийчихсэн гэдэг ойлголт нийгэмд байна.

“Монголын зэс корпораци” гэдэг компани “Эрдэнэт үйлдвэр”-ийн 49 хувийг худалдаж авсан тухай мэдээлэл анх 2016 оны УИХ-ын сонгуулийн санал хураалтын өмнөхөн болж байлаа. Энэ явдал АН-ыг унагасан. Харин МАН ялсан. МАН ч “Эрдэнэт үйлдвэр”-ийн 49 хувийг төрдөө буцааж авна гэсэн амлалтыг өгч байлаа.

Ингээд 2016 оны сонгуулиар төрийн эрхийг илт давуу барьж эхэлсэн МАН-ынхнаас бүрдсэн УИХ-аас 2017 оны хоёрдугаар сарын 10-ны өдөр “Эрдэнэт үйлдвэр”, “Монголросцветмет” ХХК-ийн 49  хувийг төрийн мэдэлд шилжүүлсэн авах тухай алдарт 23 дугаар тогтоол гаргаж байлаа.

Энэ тогтоолд түшиглэн Засгийн газрын тогтоол ч үйлдэгдсэн. Мөн “Монголын зэс корпораци”-ийнхан эдгээртэй заргалдаж, энэ асуудал шүүх, Цэцээр явсан.
Ингэсээр өнөөдрийг хүрэв. Үр дүн байхгүй.

“Эрдэнэт үйлдвэр”-ийн 51 хувь бол ӨАБНУ-ын Стандарт банкны барьцаанд байгаа. Яг үнэндээ 51 хувь ч бус “Эрдэнэт үйлдвэр”-ийг бүхэлд нь барьцаалсан хэрэг. Одоо өр нь 115 сая ам.доллар болсон. Сарын дараа 162 сая ам.доллар болж өснө.

Энэ явдалд хамаарах хүмүүс ямар нэг хариуцлага хүлээлгүй байсаар л байна.

Харин 49 хувийн тухайд ард түмэн Монголын бүх баялгийг хамсан “сахал” Д.Эрдэнэбилэг гэдэг айхтар мангасын тухай домог сонссоор дасч байна. Хууль зүй дотоод хэргийн сайд Ц.Нямдорж хүртэл “Тэр “сахал” Эрдэнэбилэг гэдэг эзнээ хармаар байна” гэж дуугарч байв. Гэсэн ч түүний барааг харж чадалгүй, сураг чимээ суу алдрыг нь сонссоор сууцгааж байна.

Тэр хүний талаар,  “Эрдэнэт үйлдвэр”, “Монголросцветмет” ХХК-ийн 49  хувийг эзэмшигч “Монголын зэс корпораци”-ийнх нь тухай одоогийн Хууль зүй дотоод хэргийн сайд Ц.Нямдорж 2016 оны сүүлчээр УИХ-ын дэд дарга байхдаа Цензургүй яриа нэвтрүүлэгт оролцох үеэрээ “ “Монголбанкин дээр хийсэн шалгалтын дүнг хараад байхад “Монголын зэс корпораци” нэгдэл гэдэгт чинь яг нарийндаа өөрийн гэсэн мөнгө байхгүй байсан нь илэрхий болж байна. Дандаа Худалдаа хөгжлийн банкнаас гарсан зээл тэр төлбөрт явсан байна.

Жишээ нь ХХБ 2016 оны зургадугаар сарын 17-нд нэг компанид зээл өгөөд тэр компани нь “Монголын зэс корпораци” нэгдэл  гэдэгт дахин зээлдүүлээд тэр мөнгийг хойшоо явуулсан. Тэгээд эцсийн тэр 400 сая долларын бүх эх үүсвэрийг нь харахаар дандаа л ийм юм байна. Би баримтгүй юм ярихгүй. Бүр хөөрхөн юм байна. Пүрэвтүвшин гээд тэр 27 настай хүүхэд их анхаарал татаад олдож өгөхгүй байна. Тэр хүүхэд өөрөө өөрийнхөө байгуулсан компаниас 70 сая долларын зээл авсан байвал яах уу. Тэр компанид нь мөнгө байхгүй, орлого байхгүй, Монголд байхгүй компаниас 70 сая долларын зээл авсан байвал яах уу.

Тэгээд яахав тэр компани ХХБ-аас зээл аваад л “Монголын зэс корпораци” нэгдэл рүү шилжүүлээд “Монголын зэс корпораци” нэгдэл нь хойшоо өгчихсөн. Эцсийн дүндээ Худалдаа хөгжлийн банкнаас гарсан мөнгө л байгаа байхгүй юу.

Миний яриад байгаа “Кью Эс Си” тэр компани бас 70 сая долларын зээл авсан. Тэрний өмнө Монголбанкны ерөнхийлөгч нууц тушаал гаргаад 2016 оны дөрөвдүгээр сард тэр “Кью Эс Си” компанид 100 тэрбум төгрөг, дараа нь 2016 оны зургадугаар сарын 28-нд дахиж нэг тушаал гаргаад 160 тэрбум төгрөгний зээл өгсөн. Монгол банк зээл өгдөг банк биш. Монголбанкны Н.Золжаргал чинь Худалдаа хөгжлийн банкны диллер байсан хүн. Ойлгож байна. Дээрээс нь Засгийн газрын 500 сая долларын баталгаа гаргуулсан мөнгө Худалдаа хөгжлийн банкинд бий. Нөгөө Чингис бондын чинь мөнгө энэ банкинд  байгаа. Энэнээс л гарсан байна даа.

Тэгэхдээ Худалдаа хөгжлийн банкнаас 70 сая долларын зээл авахдаа ирээдүйд бий болох орлогоо барьцаалж зээл авсан. Тэгээд дараа нь зургаан сард зээл авахдаа Эрдэнэтийн 49 хувийг ХХБ-ны барьцаанд тавьчихсан. Ийм л юм болсон. Одоо Худалдаа хөгжлийн банк зээлдүүлсэн 70 сая доллараа буцааж авья гэвэл нөгөө мөнгө нь байхгүй. Монголбанкны мөнгө чинь улсын мөнгө биз дээ. Худалдаа хөгжлийн банк 500 сая ам.долларын зээлээ  төлж чадахгүй бол Засгийн газар төлнө. Хөгжлийн банк зээлээ төлж чадахгүй бол Засгийн газар төлнө. Яагаад гэвэл Хөгжлийн банк чинь Засгийн газрын байгуулсан банк. Тэр банкны бүх эрсдлийг Засгийн газар үүрдэг. Бүгд ийм нөхцөлтэй. Тэгэхээр эцсийн дүндээ нөгөө Ерөнхийлөгчийн чинь магтаад байдаг хүмүүс чинь улсын мөнгөөр наад 49 хувийг чинь авсан байна даа.

Би баталгаатай юм ярина. Ажлын хэсэг дээр Монголбанкны шалгалтын үр дүнгээр ийм юм гарч ирж байна. Ийм л юм цаад талд нь байна. Тэгэхээр 49 хувийнхан чинь Эрдэнэтийг тэр чигт нь барьцаанд тавьчихсан байна шүү дээ. Одоо бол ямар ч байсан ажлын хэсэг дүгнэлтээ гаргаад учраа олох байх. Эх үүсвэр нь цэвэр байх юм бол нэг хэрэг. Гэтэл эд нарын өөрсдөө гаргасан мөнгө бараг байхгүй байгаа биз дээ” гэж ярьсан байдаг.

Ийм хардлага олон нийтэд ч бүрэн дүүрэн суучихсан. Үүнийг лавшруулж байгаа нэг зүйл бол “сахал” Д.Эрдэнэбилэгийн өмнөөс “Монголын зэс корпораци”-ийг ил удирддаг гэгддэг Ц.Пүрэвтүвшин гэдэг залуу бий.

Энэ залуу ганцхан сая төгрөгийн дүрмийн сантай компанийг 12 саятай болгож, улмаар 112 тэрбум төгрөгтэй болгож байгаад “Эрдэнэт үйлдвэр”, “Монголросцветмет” ХХК-ийн 49  хувийг эзэмшигч болсон гэгддэг.
Сүүлд, цагаан сарын өмнөхөн энэ хоёр том компанийн 49 хувийг Сингапур дахь компани руу шижлжүүлэх гэж байна гэсэн дуулиан дэгдээд авсан.

Залгуулаад ойрмогхоноос “Монголын зэс корпораци”-ийнхан буюу “49 хувийнхан” “Эрдэнэт үйлдвэр”-ийн 51 хувийг нэмж аваад 100 эзэмшдэг болохоор ажиллаж байна гэсэн мэдээлэл цацагдаад эхэллээ. Тэр ч байтугай энэ сарын 5-ны өдөр Д.Эрдэнэбилэг, Ц.Пүрэвтүвшин, Э.Дөлгөөн нар ӨАБНУ-ын Стандарт банкныхантай уулзсан гэх мэдээлэл цахим сүлжээгээр түгж байна.

Хамгийн хачирхалтай нь Монголын хууль хяналтын байгууллага илбийн юм шиг нүдэн дээр болж буй асуудлыг шалгалгүй өнөөг хүрээд байгаа юм.

За яахав, Д.Эрдэнэбилэг гэдэг хүнийг харсан үзсэн хүн ховор гээд байдаг болохоор хуулийнхан олж уулзаж чаддагүй гэж ойлгож болно.

Тэгвэл 27-хон насандаа 400 сая ам.доллараар улс дамжсан бизнес хийсэн, энэ нь луйвар байсан гэж хардагдаад байгаа Цоожийн Пүрэвтүвшин гэдэг залууг барьж аваад шалгах хэрэгтэй. Луйварх хийсэн буруутай бол “Эрдэнэт үйлдвэр”, “Монголросцветмет” ХХК-ийн 49  хувийг төрдөө буцааж аваад түүнийг шийтгэх учиртай. Харин Ц.Пүрэвтүвшин буруугүй бол нэр төрийг нь цагаатгаж, эрхэлж буй бизнесийг нь элдвийн түгшүүргүй хийх нөхцөлийг бүрдүүлэх ёстой. Яадаг ч байсан энэ бүхэнд цэг тавих нь энэ УИХ, Засгийн газрын, бас хууль хяналтын байгууллагын ажил юм.

Эс тэгвээс саалийн үнээнүүдийг  “хашсан” Ц.Пүрэвтүвшинг шалгах цөстэй аавын хүү Монголын хууль хяналтын байгууллагад алга уу гэж ард түмэн асуусаар байх болно.

Эх сурвалж: Өдрийн сонин

653
Өмнөх

Д.Батсайхан: Ирэх саруудад олон жилийн дунджаас дулаан байна

2 сар 22, 2019
Дараах

Төрийн ордны барилгыг газар хөдлөлтөд тэсвэргүй гэх дүгнэлтийг МХЕГ-аас гаргаж байжээ

2 сар 22, 2019

Төстэй нийтлэлүүд

IMG_4949(1)
нийгэм, Онцлох,

Эрдэм шинжилгээ, онол практикийн хурлын шилдгүүд тодорлоо

нийтлэсэн Site Defaultөмнө 7 сар
464494141_974564748032085_1696668555067864149_n
нийгэм, Онцлох,

Эрдэм шинжилгээ, онол практикийн хурлын шилдгүүд тодорлоо

нийтлэсэн Site Defaultөмнө 7 сар

Шинэ мэдээлэл

  • Х.Нямбаатар: ӨВЛӨӨС ӨМНӨ 51 МЯНГАН АЙЛ ӨРХИЙГ ХИЙН БОЛОН ЦАХИЛГААН ХАЛААЛТ РУУ ШИЛЖҮҮЛЭХ СОРИЛТ БИДНИЙ ӨМНӨ ТУЛГАРЧ БАЙНА

    Х.Нямбаатар: ӨВЛӨӨС ӨМНӨ 51 МЯНГАН АЙЛ ӨРХИЙГ ХИЙН БОЛОН ЦАХИЛГААН ХАЛААЛТ РУУ ШИЛЖҮҮЛЭХ СОРИЛТ БИДНИЙ ӨМНӨ ТУЛГАРЧ БАЙНА

    өмнө 3 долоо хоног
  • Инфляц 9.1 хувьд хүрсэн ч буурах төлөвгүй байна гэв

    Инфляц 9.1 хувьд хүрсэн ч буурах төлөвгүй байна гэв

    өмнө 3 долоо хоног
  • Ерөнхий сайд Л.Оюун-Эрдэнэ: Хангайн бүсийг уламжлалт мал аж ахуйн төрөлжсөн, хот байгуулалтын дэд бүсээс гадна аялал жуулчлалын чиглэлээр хөгжүүлнэ

    Ерөнхий сайд Л.Оюун-Эрдэнэ: Хангайн бүсийг уламжлалт мал аж ахуйн төрөлжсөн, хот байгуулалтын дэд бүсээс гадна аялал жуулчлалын чиглэлээр хөгжүүлнэ

    өмнө 4 долоо хоног
  • Туркийн Карталкая ресортын буудалд гарсан галын улмаас 66 хүн нас барж, 51 хүн хүнд шархаджээ

    Туркийн Карталкая ресортын буудалд гарсан галын улмаас 66 хүн нас барж, 51 хүн хүнд шархаджээ

    өмнө 4 сар
  • Юм үзэж, нүд тайлсан Айриш эр буюу Нэгдсэн улсын 46 дахь Ерөнхийлөгч Байден

    Юм үзэж, нүд тайлсан Айриш эр буюу Нэгдсэн улсын 46 дахь Ерөнхийлөгч Байден

    өмнө 4 сар
  • Д.Трамп: Хар тамхины картелиудыг алан хядах байгууллагуудын тоонд оруулж, АНУ-д зөвхөн эр, эм гэсэн хоёр хүйсийг хүлээн зөвшөөрнө

    Д.Трамп: Хар тамхины картелиудыг алан хядах байгууллагуудын тоонд оруулж, АНУ-д зөвхөн эр, эм гэсэн хоёр хүйсийг хүлээн зөвшөөрнө

    өмнө 4 сар
  • БНСУ-ын актив удирдлагын KAMCO корпорацтай хамтран ажиллахаар боллоо

    БНСУ-ын актив удирдлагын KAMCO корпорацтай хамтран ажиллахаар боллоо

    өмнө 4 сар
  • СЗХ-ны дарга, орон тооны бус гишүүд, Хяналтын зөвлөлийн дарга, гишүүд, Монголбанкны МБХ-ны зарим гишүүнийг томилох, чөлөөлөх асуудлыг шийдвэрлэв

    СЗХ-ны дарга, орон тооны бус гишүүд, Хяналтын зөвлөлийн дарга, гишүүд, Монголбанкны МБХ-ны зарим гишүүнийг томилох, чөлөөлөх асуудлыг шийдвэрлэв

    өмнө 4 сар
  • Нидерландын хааны нэрэмжит шагналд монгол зураач нэр дэвшжээ

    Нидерландын хааны нэрэмжит шагналд монгол зураач нэр дэвшжээ

    өмнө 4 сар
  • УИХ-ын дарга Д.Амарбаясгалан Ардын Их Хурлын депутатуудыг хүлээн авч хүндэтгэл үзүүллээ

    УИХ-ын дарга Д.Амарбаясгалан Ардын Их Хурлын депутатуудыг хүлээн авч хүндэтгэл үзүүллээ

    өмнө 4 сар

Монгол банкны албан ханш

  • Эхлэл
  • улс төр
  • нийгэм
  • Хот
  • Шинэ мэдээ
  • Фото

© 2019. Өөр мэдээллийн сайт