Наадмыг 2200 хүний бүрэлдэхүүнтэй баг хагас жил бэлджээ.
“Скин” энтертайментын Б.Анар улсын наадмыг хагас жилийн хугацаанд бэлдэж 2200 хүний бүрэлдэхүүнтэй ажиллахдаа Шадар сайдад талархснаа илэрхийлжээ.
Б.Анар: “Бид “Эв мөнхийн тусгаар Монгол” Үндэсний их баяр наадмыг хагас жилийн хугацаанд судалж хийж гүйцэтгэсэн билээ. Бидэнд итгэж, зөвлөж ажилласан бүх хүмүүстээ баярлалаа. 2200 хүний бүрэлдэхүүнтэй ажиллаж нэг дээвэр дор нэгдэн, эвийн хүчээр эвлэлдэн нэгдэж энэ ажлын ард гарлаа. Залуусын энэ нэгдлийг ойлгож дэмжиж, итгэсэн Үндэсний их баяр наадмыг зохион байгуулах хорооны дарга, МУ Шадар сайд С. Амарсайхан танд баярлалаа. Энэхүү алхмаараа маш олон залуучуудад урам зориг, итгэл өгсөн гэж бодож байна.
Хамт олныхоо өмнөөс энэ их ачааллын ард зовлон жаргалыг хамтдаа хуваалцдаг багана мэт байдаг гэр бүлийн хүмүүст нь баярласан талархсанаа илэрхийлье ээ” гэжээ.
