Эрүүл мэндийн яамнаас шуурхай мэдээлэл хийлээ. Сонгдо эмнэлэгт илэрсэн хоёр тохиолдлын шинжилгээний хариу хурдавчилсан оношлуураар үзэхэд эерэг гарчээ.
ХӨСҮТ-ийн Тандалт судалгааны албаны дарга А.Амбасэлмаа: Сонгдо эмнэлэгт 80 гаруй настай, хавдартай хүн хэвтэн эмчлүүлж байсан. Нэлээд удаан хэвтэн эмчлүүлж байгаа юм байна. Энэ хүний уушги нь жаахан сүүдэртэй байсан учраас коронавирус илрүүлэх хурдавчилсан тестээр оношилсон байна.
Мөн уушгины бронхиттой 40 гаруй насны хүн хяналтад явж байгаад оношлуур тавиулсан байна. Хурдавчилсан тестеер энэ хоёр хүний шинжилгээний хариу эерэг гарсан байна. Сонгдо эмнэлэгт хэвтэж байсан өндөр настны ач хүү нь хоёрдугаар сарын 23-27 хооронд Улаан-Үдэ явсан. Өвөө дээрээ гуравдугаар сарын 20-ны үед ороод гарсан. Хэвтэн эмчлүүлж буй тус иргэнд тест тавиад үзэхэд эерэг гарсан байна. Энэ хүнийг эмнэлэгт нь тусгаарласан.
Хурдавчилсан оношлуураар эерэг гарсан хүмүүсээс PCR-ийн шинжилгээ авч баталгаажуулах ёстой. Тиймээс өвчтөний хамар, хоолой, залгиурын арчдасаас PCR-ийн шинжилгээний дээж авсан. Сонгдо эмнэлгийг бүхэлд нь хаагаагүй, нэг өрөөнд нь тусгаарласан. Маргааш PCR-ийн шинжилгээний хариу гартал нэгийг нь Сонгдо эмнэлэг дээр тусгаарлана. Нөгөөг хүнийг нь ХӨСҮТ рүү авч явсан.
