АТГ-т шалгагдаж байсан УБТЗ-ын дарга Д.Жигжиднямаа хил давсан уу

Улаанбаатар төмөр зам Монгол Оросын  хувь  нийлүүлсэн нийгэмлэгийн дарга Д.Жигжиднямаа  эрүүл мэндийн шалтгаанаар хил  давсан талаар  Үндэсний  шуудан  сонин  өнөөдөр нийтэлжээ.  Түүнийг АТГ-аас шалгаж байсан  аж.  Товчхон хэлэхэд тус  нийгэмлэгийн  хувь эзэмшигч хоёр талаас  250 сая ам.долларыг  хувааж гаргахаар болоод Оросын тал  өөрийн хөрөнгийн хэмжээнд 30 зүтгүүр, түүнийгээ эвдэрнэ гэж тооцоод засварын компанийг  нь хүртэл Улаанбаатар төмөр зам хувь  нийлүүлсэн нийгэмлэгт  нийлүүлсэнтэй холбогдуулан  шалгаж байсан талаар  уг материалд  дурджээ.