Монголын боксын холбооны удирдах зөвлөл хуралдаж, Гавьяат тамирчин Э.Цэндбаатарын гомдлыг хэлэлцжээ.
Ингэхдээ өмнө нь боксын Шигшээ багаас хасах шийдвэр сонсгосон Э.Цэндбаатарыг нэг жингийн тамирчин болох О.Тулгатай халз өрсөлдүүлж, ялсан тамирчныг ДАШТ-д явуулахаар болсон байна.
Энэ талаар Монголын боксын холбооноос мэдээлэл хийхээр зарлаад байна.
Сануулахад, Монголын боксын холбоо өнгөрсөн долоо хоногт Гавьяат тамирчин Э.Цэндбаатарыг сахилга, хариуцлага алдсан, согтууруулах ундаа хэрэглэсэн асуудалд буруутган, Шигшээ багаас хасах шийдвэр гаргасан. Харин өчигдөр Э.Цэндбаатар Боксын холбооноос уучлалт хүсэж, сорил хийж, ДАШТ-д өрсөлдүүлэх боломж олгох хүсэлт гаргасан юм.
