Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн санаачилгаар 2024 оныг төрийн цэргийн байгууллагын хэмжээнд “Ахлагчийн жил” болгон зарласан.
“Ахлагчийн жил”-ийн хүрээнд төрийн цэргийн байгууллагууд, Онцгой байдлын байгууллагаас үе шаттай арга хэмжээнүүдийг зохион байгуулж байна.
![](https://oor.mn/wp-content/uploads/2024/07/449390248_891990392956188_121437230529751709_n-900x600.jpg)
Өнөөдөр ахлагч бүрэлдэхүүнээс мэдлэг, мэргэжилээ дээшлүүлэн Дотоод хэргийн их сургуулийн Онцгой байдлын сургуулийн бакалаврын эчнээ “Онцгой байдал-гамшгаас хамгаалах алба” 5 жилийн хөтөлбөрийг амжилттай төгсөн, Онцгой байдлын ерөнхий газрын даргын тушаалаар дэслэгч цолоор шагнагдсан таван алба хаагчдад Онцгой ерөнхий газрын дарга, хошууч генерал Г.Ариунбуян цол гардуулан, ажлын амжилт хүслээ.
![](https://oor.mn/wp-content/uploads/2024/07/449293457_891990436289517_3325858661503611718_n-900x600.jpg)
Ташрамд дурдахад Онцгой байдлын байгууллагын нийт бие бүрэлдэхүүний 71.5 хувийг ахлагч бүрэлдэхүүн эзэлдэг бол ахлагч бүрэлдэхүүний 14.2 хувийг эмэгтэй алба хаагчид эзэлж байна.