Дэлхийн алдарт дуучин, жүжигчин, мөнхийн залуу тодотголтой Женнифер Лопез (Jennifer Lopez) 1969 оны долдугаар сарын 24-нд төржээ. Тэрээр өдгөө 49 настай боловч наснаасаа 20 насаар залуу харагдаж чаддаг юм. Ямагт эрч хүчээр дүүрэн, эгэлгүй төрхийг өөртөө агуулсан үзэсгэлэнт бүсгүйн тухай сонирхолтой баримтуудыг хүргэе.

1. Бүжигчин 

Тэрээр 5 настай байхаасаа л бүжиглэж эхэлсэн бөгөөд бүжгийн дамжаанд явж өөрийгөө нээж байсан аж. Ж.Ло Нью-Йорк хотын ядуусын хороолол гэгддэг Бронкс дүүргээс гаралтай бөгөөд багаасаа тун ч хөдөлмөрч бүсгүй байсан тул бүжгийн реалити шоунд оролцож, түүнээсээ улбаалан нэр алдраа түгээсэн байна.

2. Хоч 

Хүн бүрт л ямар нэгэн хоч байдаг билээ. Одууд ч мөн адил. Жишээлбэл сагсанбөмбөгийн нэрт тамирчин Леброн Жеймс (Lebron James)-ийг “Хаан”, Коби Брайнт (Kobe Braynt)-ыг “Мамба” гэхчлэн хочилдогтой адил Женниферт ч мөн хоч байдаг юм. Түүнийг “Гитар” хэмээн найзууд нь дууддаг бөгөөд энэ нь дуучин бүсгүйн төгс бие галбиртай холбоотой аж.

3. Архи, тамхины хэрэглээ

Олны танил, од байна гэдэг үзэгч, сонсогчдод уран бүтээлээ хүргэхээс гадна зөв үлгэр дууриалал үзүүлэх ёстой хэмээх ёс зүйн ойлголтыг давхар агуулдаг атал, өнөө цагт харин ч эсрэгээрээ эргэж байгаа нь бидний нүднээ ил байна. Өөрсдийн амжилт, нэр хүнддээ бардан, буруу замаар будаа тээн, шоу цэнгээн, хар тамхинд ихээр донтсон алдартнууд ихээр байх боловч тэдний нэг нь Женнифер Лопез биш юм. Учир нь архи, тамхи нь арьсанд сөрөг нөлөө ихтэй байдаг тул тэрээр эрүүл мэнд, гоо сайхныхаа төлөө үүнээс татгалзсаар ирсэн байна.

4. Сэтгэл татам

Түүнийг сэтгэл татам, дур булаам бүсгүй гэдэгтэй маргах хүн үгүй билээ. Тэрээр 1995 онд “Money Train” гэх кинонд тоглосон бөгөөд тус кинонд хамтран дүр бүтээсэн жүжигчин Вэсли Снайпс (Wesley Snipes) болон Вуди Харрельсон (Woody Harrelson) нар хоёул жүжигчин бүсгүйд сэтгэл алдарч байсан гэдэг юм. Үүгээр үл барам түүнтэй хамтран кинонд тоглосон эрчүүд, түүний ямар үзэсгэлэнтэй, сэтгэл татам болохыг нь үгээр хэлж баршгүй хэмээдэг аж.

5. Харанхуйгаас айдаг

Дуучин бүсгүй харанхуйгаас ухаанаа гартал айдаг аж. Орой унтахдаа хүртэл гэрлээ асаалттай унтдаг бөгөөд хуучин нөхөр Марк Антони (Marc Anthony)-той амьдардаг байхад түүний нөхөр Ж.Ло-г унтсаны дараа гэрлээ унтраадаг байсан гэдэг билээ. Ямартай ч бүсгүй харанхуйд унтах, харанхуй гудамжаар явах, ер нь хар бараан зүйлсээс ямагт эмээж байдаг юм.

6. Дуртай өнгө

Олон төрлийн авьяастай бүсгүйн дуртай өнгө нь тэнгисийн цэнхэр аж. Тиймдээ ч бүсгүй аль болох гэгээлэг өнгөөр өөрийгөө болоод өргөө гэрээ чимэх дуртай юм. Түүний гэр нь тэр чигээрээ цагаан болон усан цэнхэр өнгөөр тохижуулагдсан байдаг билээ.

7.Хамгийн өндөр үнээр кинонд тоглосон Латин бүсгүй

Тэрээр 2005 онд “Monster-in-Law” киноны гол дүрийг бүтээхдээ 15 сая долларын цалинг авсан бөгөөд үүгээрээ хамгийн өндөр өртгөөр кинонд тоглосон Латин бүсгүй гэх цолыг хүртэх болсон билээ. Түүний тоглосон кино нь тун ч хөгжилтэй бөгөөд олон нийт болон кино шүүмжлэгчдээс онц гэх үнэлгээ хүртэж байсан аж.

8.Даруухан эхлэл

Хүнд хүчир амьдралыг туулж ирсэн тэрээр багаасаа л бүжигчин болохыг мөрөөдөж байсан гэдэг. Ахлах сургуульд байхдаа орон гэргүй болж, дампуурсан тэдний гэр бүлийнхэн бүгд тал тал тийш тарцгаасан тул Ж.Ло аргагүйн эрхэнд бүжгийн клубдээ хоноглож явсан гэдэг. Ямартай ч нөр их хичээл зүтгэлийнхээ үр дүнд тэрээр өнөөдрийн өндөрлөгт хүрч чадсан байна. Түүний хөрөнгө 322 сая доллар орчим юм шүү.

9.Испаниар ярьж чаддаггүй

Латин гаралтай дуучин бүсгүй өөрийн төрөлх хэл болох Испаниар ярьж чаддаггүй байна. Багаасаа англиар ярьж дадсан түүнд испани хэлээр ярина гэдэг тун бэрхшээлтэй боловч, хэд хэдэн дуугаа испани дууг гаргаж байсан билээ. Тиймдээ ч бүсгүй өөрийн гарал угсаараа ямагт бахархаж, бардаж явдаг аж.

10.Хамгийн их эрэлт үүсгэсэн зураг

“Google”-ээс хүмүүс өдгөө өөрийн хүссэн, хайсан бүхнээ олох боломжтой болсон билээ. Үүний нэгэн адилаар тэд интернэтэд байрлуулагдсан зургийг ч хайж болох боломжтой юм. 2000 оны Грэммийн наадмаар дуучин бүсгүй тус ногоон даашинзаар гоёж ирсэн бөгөөд түүний энэхүү халуухан зураг нь “Google”-ээс хамгийн их хайлт авсан байдаг билээ.

11.Гайхалтай өгзөг

Алдартай одууд өөрийнхөө биеийн аль нэгэн хэсгийг даатгуулдаг уламжлалтай болоод байгаа юм. Хөлбөмбөгчин хөлөө, гитарчин хуруугаа гэхчлэн хүн бүхэн л ямар нэгэн байдлаар даатгуулж байна. Харин Женнипер Лопес биеийнхээ тавдахь цэг буюу өгзөгөө 27 сая доллараар даатгуулсан бөгөөд энэ нь бусад одуудтай харьцуулахад тийм ч үнэтэйд тооцогддоггүй байна.

12.Коллежоо хаясан

Тэрээр коллежид суралцаж байгаад хий дэмий хүсээгүй зүйлдээ цаг заваа үрэхээс илүүтэй өөрийн хамгийн сайн чаддаг зүйлээ хийж амьдрахаар шийдэн сургуулиа орхисон байна. Бүсгүй дуу, бүжигтээ илүүтэй анхаарал хандуулж, хамаг л цаг заваа зарцуулдаг байсан нь өнөөдрийн нэр алдрын оргилд хүчирхэг эмэгтэйг бүтээжээ.

13.Гэрлэлт

Гэрлэлт гэдэг хүн бүрийн хувьд хамгийн чухал, гайхалтай зүйл байдаг билээ. Харин дуучин бүсгүйн хувьд 3 удаа салж байсан арвин туршлагатай нэгэн юм. Тэрээр 1997-1998 оны хооронд Охани Ноа (Ojani Noa), 2001-2003 оны хооронд Крис Жадд (Cris Judd) болон 2004-2014 Марк Антони (Marc Anthony)-той тус тус хамт амьдарч байсан билээ. Өдгөө тэрээр 2 хүүхэдтэй бөгөөд бүжигчин залуутай хамт амьдарч байгаа юм.

14.Баян

Тэрээр ямартай ч 320 гаруй сая долларын хөрөнгөтэй бөгөөд энэ их хөрөнгөө дуу, бүжиг, кино зэргээс олж авсан байдаг билээ. Түүний тоглолтын өртөг болоод кинонд дүр бүтээх нь тун ч өндөр үнэлгээтэй байдаг аж.

15.Үзүүлбэр

Тэр тайзан дээр гараад л хатан хаан мэт харагддаг билээ. Гайхалтай дуулалт, шилдэг бүжиглэлт, нөр их хөдөлмөр, эрч хүч бүгд түүнээс мэдрэгддэг юм. Түүнийг хараад бахархахгүй, магтахгүй байхын аргагүй бөгөөд ур чадвар, хичээл зүтгэлээрээ хэнийг ч урдаа гишгүүлэхгүй тэрээр 50 насыг шүргэж яваа ч наснаасаа хэд дахин залуу харагддаг. Өмнөх он жилүүдээсээ улам бүр эрч хүчтэй үзэсгэлэнтэй болсоор буй түүний 1990-2018 оны буюу 28 жилийн хугацаанд хэрхэн өөрчлөгдснийг харьцуулан харъя.

www.Seen.mn